道明檔案---長洲篇(真人真事)

年輕時我時常去長洲，因為可以帶女朋友過夜;P ;P ，撞鬼次數多到你唔信，大單又有、疑似個案又有、一個人見又有，成班人見都有，上身都試過，總之長洲係一個非常猛既地方，當時東堤都未入流
話說有次我同女友去租屋，BBQ之後，當時都成夜半三點幾，就出左去東灣睇海，傾傾下計，見到遠處一大班[人]，竟然向海行出去，一路行出去，但係佢地竟然能夠在水面上行走，我地嚇到腳都軟，唔敢郁，驚比佢地見到，但又好奇一睇，原來細心睇到佢地抬住頂"橋"出嫁咁款，當佢地行到我地比較近距離既時候(都重幾遠下)見到佢地大鑼大鼓，但係我地又聽唔到鑼豉聲，真至佢地0係海中消失我地先敢路返去，條女嚇到廁所都唔敢去喊左成晚，後黎病左一場