或售C朗予華倫套現逾二億 曼聯斟列基美志在必得

曼聯對阿根廷球星列基美志在必得！決心在今夏重建「紅魔鬼」的費格遜，早已視列基美為頭號獵物，日前更派出首席球探馬田費格遜觀看維拉利爾的歐聯賽事。據報曼聯為覓得心頭好，不惜將基斯坦奴朗拿度出售套現，有傳華倫西亞已出價一千七百萬鎊（約二億二千九百萬港元），誓要將C朗收歸旗下。

費格遜對列基美心儀已久，早前向維拉利爾出價一千萬鎊收購被拒後，曼聯並未準備就此放棄，有消息指紅魔鬼打算將基斯坦奴朗拿度出售套現，之後加碼撬列基美過檔。據報華倫西亞已出價一千七百萬鎊收購C朗，並且開出與曼聯睇齊的一百三十萬鎊年薪，該會會長蘇拿說：「我希望華倫西亞下季能夠在歐聯打出成績，而C朗將會是最佳人選，我們很快就會與曼聯展開商討。」

蘇斯克查踢預備組受傷


曼聯的傷兵問題在日前一場預備組賽事中急劇惡化，蘇斯克查、碧基、艾拉及科東尼四名一隊球員，在周二對米杜士堡的預備組賽事中齊齊受傷，其中挪威老將蘇斯克查更被伊奧古撞傷頭部，要即時送院治理，認真黑仔。


唔多信~
我覺得列基美唔岩踢英超...
令我諗起華朗...

前車之鑑，列基美小心會做第二個華朗....;P;P;P

C.朗...呢幾場比人感覺開始有合作性...呢一刻賣走佢? 我唔信囉~

[quote]原帖由 [i]吸血鬼[/i] 於 2006-3-9 14:36 發表
C.朗...呢幾場比人感覺開始有合作性...呢一刻賣走佢? 我唔信囉~ [/quote]
C.朗想要多d周薪，但費sir又唔肯加佢人工.....

[quote]原帖由 [i]Race[/i] 於 2006-3-9 14:16 發表
前車之鑑，列基美小心會做第二個華朗....;P;P;P [/quote]


同意, 唔好浪費一個踢得好好地既球員

[color=#FF3300][b]維拉利爾係絕對唔會放走列基美∼∼紅魔死心吧　＝．＝[/b][/color]

C朗應該唔會走的，加上列基美都應該唔適合英超啦！

如果兩者揀
我覺得c.朗係曼聯耐d又有前途d