2007-5-10 11:05 PM
leo068
合約就到期幫手俾俾意見~~和記同有線
如題...
和記$112 有線$8X
兩間都話10M
本人用開和記都冇斷線等特別問題
BT時常上到一兩MB下載
唔知有線又點呢??
幫幫忙俾意見
2007-5-20 08:23 PM
影
其實真係要睇你住邊度
你要知唔會係邊間好邊間唔好
每一日公司都有好架區份同埋唔好架地方
如果你用和記無問題,我諗你都係唔好用有線
為左平果廿來蚊,到頭來唔得,咁你就真係有得煩
有線我試過架經歷
同佢一年約.用左八個月佢自動同我解約
原因係,我每日都最小有三個電話投訴,投訴埋東方日報,蘋果,消位會
點解要投訴,係因為我八個月入面加埋最少係有三個月係完全上唔到網
就算上到都好慢,最慢經常都係得 1X b/S.睇清楚係連 1Kb/S 都無
OK有時會快小小,開hk.yahoo.com大約都要用三四分鐘
一個鐘大約斷十來廿次線,放心唔到卅次,最多上唔返
每次投訴都話攪師父上來睇,佢D師父上來同我研究風水
佢D師父連點上自己公司網頁DL野試個速度都未識
跟手就話我屋企D線有問題(搵值口)
(因為我屋企D線全部都係我自己走)
係呢D環境我梗係叫佢開門口個井唔經我屋企D線路,
咁就唔關我屋企D線事.結果都係一樣
佢就話屋外面係第二班人做,唔關佢事,跟住就不了了之
情型唔會有改善.激到你死投訴無門
你只會不停投訴,投訴 and 投訴
最尾直到我上完消位會,打左電話去東方蘋果架投訴,佢先有個高級小小好似話到下事架人話同我CUT約
我得到結論
56K同有線寛頻比,係我果度56K係會比有線寛頻快同隱定架
但係D個只係我果區架案例,我亦有朋友用和記爬地架
真係要講區,唔係講咩公司,係講地區
PS,如果要隱定唔求速度一定係用龜上行,
上傳慢,但係一定隱定唔會死,同埋隱定計續都係咁慢
不過價錢會貴過和記
[[i] 本帖最後由 影 於 2007-5-20 08:33 PM 編輯 [/i]]