許冠傑 - 鐘聲響起

作曲: 劉宏基
作詞: 許冠傑, 劉宏基 (Rap: 陳歷恒)
編曲: 藝琛
監製: 楊雲驃, 藝琛, 劉宏基
讀白Rap: 許懷欣, 許懷谷

許懷欣: 從前香港　講「abcd」普遍
           自回歸後　說「bo po mo fo」有主見
許懷谷: 時代逼住要變　我都好難留一線
           舊碼頭再見　舊機場早就再見
許懷欣: 隨機應變 咁至有黄金嘅十年
           一成都不變　唔通啲錢會自動奉獻
許懷谷: 新機場興建　今日證明明智之見
           不過舊情　依然不變

許冠傑: 每次聽見鐘聲　船笛聲　產生感應
           同遊時光溫馨　幻彩海港美景
           時間悲歡交錯　轉眼已十年（珍惜眼前）
           有嘢坐低傾傾　人生應該高興
           個個笑得開心　排隊攞身份証　
           成為全球精英　盛放金色紫荊
           朋友愛惜分秒　好快又十年（爭取出線）
           你我畀啲心機　贏創意　永久保証
           ＊個個笑吓　放假四處玩吓
              約吓兩老見面嘆杯茶
              童謠神話　街坊好嗎
              掛住昨天嗎
              轉轉轉轉　也有挫折起跌
              一公升的眼淚要支持
              仍然同舟　壓力未愁
              你有勇氣上天定會幫你解…決＊ (rap)

許懷欣: 手機周圍　拍拍拍　搞到好有壓力
           晚晚加班　港幣貶值更有壓力
許懷谷: 信自己自食其力　信自己物超所值
           有壓力　其實都係一種原動力
許懷欣: 加薪唔見多　負資產就鬼咁多
           豬鏈搭瘋牛　食物有毒就多多多
許懷谷: 其實香港唔錯　凡是能輕輕帶過
           錢有排揾　點會嫌多

許冠傑: 再見了鐘聲　要再見革新本領，
           和諧繁榮香港　大家高峯再闖
           回憶集體擁有　可愛是情懷，
           輕鬆心態　你我處變不驚
           全香港鬥心取勝！

Repeat ＊＊

許懷欣: 從前香港人　暑假愛出國旅行
           宜家放假　就鍾意上街自由行
許懷谷: 自由係香港精神　自由到捨己為人
           沙士都唔怕　香港人十項全能
許懷欣: 香港乜星都有　酒店有五粒星
           紅館有歌星　身分證有三粒星
許懷谷: 天上有陳易希星　人人其實都係巨星
           再見鐘聲　但願香港繼續繁榮