BBQ食法 , 一定要試 !!!

BBQ食法 , 一定要試 !!!

[燒朱古力香蕉]  
1.  將蕉皮撕開少少，然後塞幾粒純朱古力入去蕉皮與蕉肉之間的位置  
2.  將蕉皮蓋上，用錫紙包好，再放在火推旁燴十五分鐘
  
點好食法？

朱古力和蕉肉被燒成半熔狀態，兩種味道加起來，真係冇諗過咁好食！  
注意：純朱古力粒要整成細細粒，因為太大粒會好難熔。另外，將放朱古力一面擺向火，效果就會更加好。  

[燒牛油冬菇]  
1. 用大大隻的鮮冬菇，塗上大量牛油  
2. 用錫紙包好放在火推旁燴十五分鐘  

點好食法？  

如果你一向都喜歡食鮮冬菇，這種食法就真係一流！牛油的香味與鮮冬菇的鮮味簡直是絕配。如果你喜歡蒜茸味，加上蒜茸一起燴味道亦好好。  
注意：冬菇都幾易燒焦，所以要加倍留意火候。  

[燒芝士茄子]
1. 將茄子切成一舊舊，然後舖上適合大小的片裝芝士  
2. 將茄子燒成金黃色，就可以挖茄子肉出來食  

點好食法？  

茄子肉好軟、好滑、好鮮味，加上芝士的香味，嘩！好味！注意：芝士未熔之前，好容易會離茄子而去，所以燒的時候要睇實佢！  
   
[燒薯皮]
1.  事前要將薯仔出水，再切片（話明燒薯皮，當然每片都要保留薯皮啦！）  
2.  燒之前塗上大量牛油  

點好食法？  

一個字，「香」！如果你喜歡甜味，塗上蜜糖燒一樣咁正！  
注意：將薯仔出水時要適可而止，因為出水時間太長，薯肉就會太軟，燒的時候薯皮就好容易斷。  
   
其他好味推介:
1) 燒燈籠椒，好甜架  
2) 燒矮瓜之後挖ｄ肉出黎撈麻油食  
3) 焗矮瓜:矮瓜切塊,加入日式燒醬(Teriyaki sauce)用鍚紙包住焗,
               or淨煨開封後放入腐乳  
4) 香蕉...唔好去皮...剪開一條痕窒D朱古力(預先將純朱古力整成細細粒)落去香蕉面.用錫紙包好,
    燔15-20分鐘.完成後,朱古力就會溶左係個蕉面..味道極佳.但小心未用朱古力前,佢已經溶哂.  
5) 墨魚、大蝦、多春魚,包你話正!!  
6) 吊片 : 齋燒.要加入大量蜜糖,否則好苦仲可以加辣椒豉油.
7) 要用錫紙包著來燒的金菇,粟米,薯仔,小白菜,加牛油and蒜蓉落去,
    可加美極調味.  
8) 花蟹, 去左個鰓就可以燒架啦!用錫紙包住慶,會原汁原味D  
9) 燒生的白鱔,買條大的,去骨, cut it into big pieces....之後用wine and pepper作調味......
    之後燒.......用日式饅魚汁調味,好味嫁......有點像日式店買的一樣  
10) 洋蔥先出一出水, 先至拎去燒,又或者用錫紙包住焗.因為唔係個個都受到洋蔥味,
    可以用一D濃D既汁伴食,如日本燒汁,我就中意用cornsyrup (或蜜糖都得)溝燒烤醬黎食, 好正架.......  
11) 焗什菇:用你中意食0既菇放埋一齊,加d蒜茸同油,用錫紙包住焗  
12) 焗三寶:用青,紅及黃椒, 加沙爹醬,用錫紙包全焗.  
13) 燒大冬菇 :買一d手掌咁大既Portabella Mushroom,(惠康及百佳superstore)售,燒完伴日式燒汁食.  
14) 燒蕃茄:買一ｄ大肉茄,燒到佢皮開肉裂就最正,食時小心中間會好熱  
15) 燒粟米  
16) 燒薯仔:先出水,再連皮燒,我中意用新薯, d皮好好食,的的式式又容易燒,連糖食可以做甜品.  
17)釀蕃茄:切開一半去左個芯,釀入己調味0既免治牛同洋蔥粒,再夾番埋,用錫紙包住燒,廿分?虧嶆陰o食........
18) 蘆筍魚夾:買龍利柳最正,外面用煙肉包住,以防燒焦,蘆筍放入兩塊魚中間,
     加入薑絲黑椒等等,再用錫紙包住燒,十分鐘攪掂........  
19) 燒番茄 : 切開一半, 叉住佢.  先燒茄肉,小心茄肉BIT出.之後反轉燒底部,
     燒既時候在面層加蒜蓉.等到微微乾身,就算左少少都可以.出乎意料的好好好味.  
20) 芝士火鍋:無聊之作.用鍚紙做個鍋型,再用燒烤叉篤實,加上芝士後待燒溶.點包食.味道一般但得意
21) 錫紙 + 鮮大蝦 + 辣椒  
22) 奢侈D試下貴妃蚌,放D牛油同garlic,非常鮮甜  
23) 大眼雞  
24) 燒扇貝,放在網上燒,好快有得食  
25) Crab legs with salt and butter  
26) 燒"庵春"~~幾好味...仲好平，又唔駛點醃  
27) 雞皮烘方飽:將雞皮撻響飽面度燒，之後唔要雞皮，淨食麵包  
28) 煙肉蝦串:即係用煙肉卷住鮮蝦（去殼）再串成一串，燒至煙肉開始香脆，
     就唔會太肥膩，而入面既蝦因為唔係直接受火，所以肉汁可以保留唔乾，
     食落面頭就脆卜卜，但內裡就鮮味無窮，好正架  

[ BBQ FAQ ]  
1.  燔蕃著時，點樣避免蕃薯皮與鍚紙貼在一起呢？  
     先塗一層橄欖油在蕃薯表面，就可以避免蕃薯皮與鍚紙貼在一起啦！  

2.  燒粟米，點先冇咁容易燒焦？  
     連粟米葉一齊燒，就可以保存粟米的水份，亦會冇咁易燒焦。  

3.  有人話燒烤燒得多會致癌，有冇辦法減少致癌物質？  
     研究指醃製過的肉類，可減九成產生致癌物的機會，信不信由你啦！  

4.  用錫紙燒焗食物時，有甚麼地方要留意？  
     避免加入檸檬汁或醋等酸性物質，因為酸性遇熱會與鍚紙產生致癌化合物，大家要小心小心。