3Talks 港人自講討論區 - Powered by Discuz! Board

標題: 教授玩電話-玩電話的極致 [打印本頁]

作者: 型仔day 時間: 2006-3-24 02:20 PM 標題: 教授玩電話-玩電話的極致

教授玩電話-玩電話的極致

學生問教授一個人生哲理的問題︰「教授我想問，生氣、憤怒、嬲到震，同埋哭笑不得，有乜野唔同？」
教授說︰「我做個實驗俾你睇，你就容易明嫁勒。」於是他揭開電話簿，隨便搵左一個叫K仔既電話號碼，就打電話過去，電話接通，教授按擴音鍵讓學生聽清楚……

教授︰「請問米奇老鼠係度嘛？」
K仔︰「你打錯喇！」
教授︰「唔好扮野啦！米奇老鼠係度嘛？」
K仔︰「都話你打錯咯！」說著就把電話掛了。

之後，教授即刻又打電話過去……

教授︰「請問米奇老鼠係度嘛？」
K仔︰「邊個呀！你打錯喇。」
教授︰「請問米奇老鼠係度嘛？」
K仔︰「你老x，痴線嫁。」又把電話掛了。

教授馬上又撥左一次……

教授︰「請問米奇老鼠係度嘛？」
K仔︰「你到底係邊個？少無聊了！」
教授︰「我係唐老鴨，我要搵米奇老鼠……」
K仔︰「白癡架！你係唐老鴨咁我咪跳跳虎！我XYZ你個上中下！」說完，就把電話甩上

教授告訴學生︰「呢D就係生氣喇！跟住，俾你睇下乜野叫憤怒啦！」
教授又撥一通電話過去……

教授︰「請問米奇老鼠係度嘛？」
K仔︰「你係咪五行欠打？要搵米奇老鼠打去迪士尼啦！你老x丫，你有種就打黎俾睇下……」說完就更用力的甩上電話。

教授告訴學生︰「呢D就係憤怒。跟住，俾你睇下乜野叫嬲到震！」
接著，教授又撥了一通電話，這次隔了一段時間才有人接，電話一接通……

K仔︰「x你個肺！x你老x……」正當他破口大罵的同時……
教授︰「請問，你係咪K仔？」
K仔︰「喔！真係對唔住，因為頭先有人惡作劇，我唔係特登要鬧你……」
教授︰「唔緊要，請問米奇老鼠係度嘛？」
K仔︰「哇!你個仆x……」這次沒等K仔鬧完，教授就把電話掛了。

教授告訴學生︰「呢D就係嬲到震，你明未？」
學生答︰「我完全明白晒喇！」
學生點點頭︰「不過……乜野係哭笑不得呢？」
教授笑了笑，又打左同一個號碼，對方快速接起電話……

K仔︰「喂！你個x樣係咪想玩野呀？」
教授︰「我係米奇老鼠，請問頭先唐老鴨有冇打電話搵我……」
K仔︰.......@@.........@@...........！

作者: cwai 時間: 2006-5-14 01:50 AM

好鬼死搞笑!

作者: 朱雀 時間: 2006-6-21 10:35 AM

笑歪咀!!!!!!!!!!!!!!!

歡迎光臨 3Talks 港人自講討論區 (http://www.3talks.com/)