3Talks 港人自講討論區 - Powered by Discuz! Board

標題: 香港政府抬驢 [打印本頁]

作者: kenbondwong 時間: 2008-11-2 01:51 PM 標題: 香港政府抬驢

老佛爺想測試老人亞香小伙子亞港的管治能力,於是吩咐亞香,亞港把老驢政府由宮裏帶出市集行一圈回來,並說在市集裏有很多探子,要他們不可逆民意、從善如流的把老驢政府有效率地又人人滿意地帶回來!
兩人就拉著驢子政府出發,到街上有人見亞香亞港就笑說:「正儍子,有驢唔騎要自己行咁辛苦,笨9實!」
於是小伙子亞港騎著驢子繼續行,又有路人見到就怨說:「小伙子亞港你愧對長者,要老人家自已行!」
亞港又急急下驢,亞香就騎了上驢背!
行行復行行,又有路人見到他們又氣衝衝的說:「你持老賣老啦,老人家落地走兩步唔會死吓?慌你d老野唔係坐得高高在上賴死唔走咩,一d機會都唔畀d後生嘅上去坐吓!」
亞香又急急下驢,亞香,亞港跟著相量相量,老是想不出對策,又打電話問政策顧問、專家委員會、英美精英等等,最後得了結論係點解唔坐車!?
無助之下,亞香拿出担挑麻繩,綁著老驢政府抬著回到皇宮!
老佛爺見到他2人抬著老驢回來,直笑到仆了在地上,亞香,亞港見到老佛爺大笑,以為今趟老佛爺很滿意佢地嘅表現,就一齊的笑起來!
老佛爺笑左一陣後從地下起番身,望住e兩條笑緊嘅粉腸,愈望就愈火滾:「你e2條廢柴,來人!同我拖佢地出去斬,d骨頭留低磨粉做肥料,d肉畀Lucky攝牙罅!」

作者: 道明 時間: 2008-11-2 11:40 PM

續集係…
於是老佛爺就以為自己好聰明咁聘請左呢班好識得評擊別人既群眾做智囊團，重用左好多市民既錢起左一間好有氣派既會議院，
第一日開會，智囊委員長毛用左一日既時間同老佛爺爭取要著便服開會以表示專重人權
第二日開會，長毛講左半日都無人明佢想講D乜，東拉要扯又過左一日
第三日開會，長毛個兄弟"王郁人"講兩講就向老佛爺掟蕉，重話老佛爺不聽民意不知悔改唔肯認錯，但係市民普遍都唔認同"郁人"既行為，但郁人都一樣唔肯認錯，重話掟蕉係表達民意既方式
第四日開會，已經無人想去再聽到浪費時間既說話亦唔想再睇到用暴力既掟蕉行為

歡迎光臨 3Talks 港人自講討論區 (http://www.3talks.com/)