玩左幾次《開口中》,  確係賺快錢的最佳途徑, 無奈一旦輸左就損失500講元, 對於有幾十萬以上的高級會員或版主當然微不足道, 但對只得幾千的初中級會員來講真係好慘重, 雖然小弟暫時未輸過, 但玩得都好保守。所以希望增設初級版, 將賞罰比例降低, 賺少D但降低風險, 可以玩得放D, 同時又俾機會唔夠500講元的會員參與藉此加分, 希望支持在下意見。

我絕對唔係話要改變公平原則, 只係希望分開唔同大細既盤, 任君選擇, 當然有錢人可以玩細盤, 反之亦然, 但唔會影響機會率

[ 本帖最後由 風少 於 2007-6-25 05:35 PM 編輯 ]

引用:

原帖由 philips 於 2007-6-25 10:35 PM 發表


想加分不如吹下水，貼下相好過啦！
如果人人淨係潛水玩開口中，3Talks遲早完！！！

你講得啱, 但要知道, 之所以有人淨係潛水玩開口中, 係因為吹下水貼下相所得的分數遠不及開口中;  但如果將賞罰程度縮細, 咁樣就唔駛等D人沉迷賺快錢, 亦保留到一定的趣味性, 同時又唔駛D人輸光晒而流失, 你話係咪會對3Talks更有利?

例, 可以縮細10倍:
原來:
每次估字可得 現金 20 講元
估中者要罰款 現金 500 講元
如最後只剩兩個數字,而又估不中,便可得 現金 350 講元

縮細後:
每次估字可得 現金 2 講元
估中者要罰款 現金 50 講元
如最後只剩兩個數字,而又估不中,便可得 現金 35 講元

同樣亦可增設極級會員和版主級(有權限), 放大100倍:
每次估字可得 現金 2000 講元
估中者要罰款 現金 50000講元
如最後只剩兩個數字,而又估不中,便可得 現金 35000 講元

引用:

原帖由 helen_sze2000 於 2007-6-26 11:42 AM 發表

如果估一次有2000講元,我好快過千萬喇

呢個只係舉例啫, 主要係話可以有唔同刺激性

引用:

原帖由 GATX105-Strike 於 2007-6-26 01:50 PM 發表

每次估字可得 現金 2 講元
估中者要罰款 現金 500 講元
如最後只剩兩個數字,而又估不中,便可得 現金 35 講元

咁樣都幾好   

咁又唔得, 賞罰一定要合比例, 唔可以贏咁少輸咁多, 反之亦然。

引用:

原帖由 GATX105-Strike 於 2007-6-26 07:23 PM 發表

好似你咁講，唔通越高級既會員就越贏得多，咁就唔會有人潛水玩開口中既

梗係唔係啦, 我既方法, 贏輸既機會率, 高唔高級都係一樣, 分版既目的, 係你選擇賭得大, 會贏得大但輸得亦大, 反之, 賭得細就贏得細, 但輸得亦細。至於你既方法就唔合理, 贏就贏粒榶, 輸就輸間廠。

引用:

原帖由 GATX105-Strike 於 2007-6-26 10:39 PM 發表

我個方法都係吹下水既姐，估唔到你咁上心
好似你咁講，估唔中有咁多錢拎，重唔人人都走去玩呀，重邊Q個會係度吹水呀

又唔係話上心, 研究下啫
所以我就提議搞個初級版, 俾D初級會員細細地玩下, 拎少少吸引佢地留低, 但唔俾佢地贏太多, 免得沉迷, 又唔駛輸到佢地走晒, 你話幾好。

引用:

原帖由 域奇 於 2007-6-27 01:34 PM 發表

其實你喺呢度講，東風未必會留意到架。
建議你去意見發表度出個post，如果多人support嘅話，機會或者會大啲。

因為我想睇下大家初步反應係點先, 然後至去正式申請, 可惜似乎只得piyo兄一個支持, 可能大家分數都有番咁上下, 500分濕濕碎, 起碼咁多個之中最少分都係我, 睇黎機會唔大。