你地有無類似既情況？
我每個女朋友一過試用期都必問..........好煩

女：其實究竟你鐘意我D乜
男：..........你靚law
女：椅.........就係咁炸
男：你特別law 同其他女仔唔同
女：有D咩唔同呀我？？？
男：..........對我好law
女：咁你以前D女朋友點對你架？
男：(大鑊開始踩屎)
女：不如你講下你以後女朋友D野呀？你地點分手架？
男：同你一齊之後都無再記住啦！
女：椅........講啦！最多我唔褸呀！
男：(呢句最信唔過)
女：你講唔講呀！
男：無你咁好，佢又野蠻、又成日問返我已前D野Law(玩暗串)
女：你點追佢架？
男：我唔係存心追佢，其實佢追我架，我唔識追女仔架，衹有你先令我主動出擊(好假)
女：
男：唔好再講呢D啦！去邊度食飯呀我地(拉開話題)
跟據道明既經驗，呢晚係必定會為其他小事而0益交，呢個係絕對定律100%

.............無咁易會放過你

總之點都好，千奇唔好信佢話：你講啦！我唔會褸架

引用:

原帖由 惠惠 於 2006-4-25 12:28 AM 發表


睇完d對白....原來個個都會講同一既野架@.@!

咁你對幾多個人講過呀？

引用:

原帖由 smile3 於 2006-4-27 12:22 PM 發表
做咩變左精華既???
唔通男人心聲真係咁珍貴咩

女人必問既題目，比女人問過既會有共鳴，未比女人問過既就更加要吸取經驗